Siyasetmedar vexwînera Konferansa Komara Demokratîk Gultan Kişanak têkildarî konferansê diyar kir ku di vê serdemê de demokratîkbûn bi qasî nan û avê pêwîst e û got: “Astengiya li pêş demokrasiyê neçareseriya pirsgirêka kurdî ye. Em ê bi her alî mesela kurdî biaxivin. Komara ku rastiya gelê kurd û gelan esas bigire dikare demokratîk bibe.”
Hevberdevkê HDKê Alî Kenanoglû diyar kir ku armanca vê operasyona li dijî CHPê ew e ku hêzên alternatîf ên îktidarê ji holê rabike û wiha got: “AKP û dewlet bûne yek. Duh li dijî HDPê operasyon pêk anîn, îro jî li dijî CHPê. Îktidar CHPyeke li dijî kurdan dixwaze. Kemal Kiliçdoroglû tam li gorî daxwaza îktidarê ye.”
Endamê MYK yê DEM Partî Vezîr Coşkûn Parlak diyar kir ku Pêvajoya Aştî û Civaka Demokratîk ne tenê ji bo kurdan lê ji bo tevahiya Tirkiyeyê pêvajoyek demokratîkbûnê ye û got: “Pêvajoyeke ku CHP û bingeha wê tê de nebe dê kêm be. Dê şansên wê yên serkeftinê kêm be. Birêz Ocalan ji destpêka pêvajoyê ve bi dijwarî dixebite ku CHPê tê de bigire. Ji ber vê yekê operasyon li dijî demokrasiyê ye.”
Hevserokê TOHAVê Xemgîn Yusuf Gurcu diyar kir ku DMME û KE di nav nakokiyan de ne û li hemberî Mafê Hêviyê wekî saziyên siyasî tev digerin û got: “Nenaskirina Mafê Hêviyê îşkence ye.”
Endamê Qada Perwerdehiyê ya Mexmûrê û mamosteyê zimanê kurdî Mele Şîrîn der barê pergala perwerdeya li Wargeha Mexmûrê nirxandin kir û got: “Zarokên kurdan dema bi zimanê tirkî perwerde dibin, wekî tirkekî/ê mezin dibin. Ya ku cudahiya neteweyan diyar dike, zimanê wan e. Netewe bi zimanê xwe tên nasîn. Têkçûna zimanekî têkçûna neteweyekê ye.”
Endamê Têkiliyên Derve yê Rêveberiya Xweser Sîhanok Dîbo destnîşan kir ku piştî peymana 29ê Çile, hin gavên hatin avêtin hene û got: “Di 3 mehan de gavên hatin avêtin hene. Lê ev peyman pir bi zahmetî dimeşe. Hin gav hatin avêtin û gavên mezin jî li benda avêtinê ne. Sûriye qaşo 80 sal in serxwebûna xwe îlan kiriye. Lê hêj ne serbixwe ye. Destwerdana derve zêde ye. Şamê ji bo vegera koçberên Serêkaniyê û Girê Spî heta niha biryar negirtiye. Ji ber ku Serêkaniyê û Girê Spî ji aliyê Tirkiyeyê ve tê rêvebirin.”
Hevseroka Şaxa ÎHDê ya Colemêrgê Sîbel Çapraz diyar kir ku li Enqereyê pêvajo cuda, li Colemêrgê pêvajo cuda ye û got: “Gundên sînor 24 saetan bi kamerayan tên şopandin. Leşker dixwazin gundên sînor vala bikin. Dîsa hişmendiya salên 1990î li vir dubare dibe.”
Berdevka Înîsiyatîfa Yekîtiya Demokratîk Gulcan Kaçmaz li ser astengiyên li pêş yekîtiya demokratîk û xebatên înîsiyatîfê yên ji bo Yekîtiya Demokratîk nirxandin kir. Gulcan Kaçmaz, anî ziman ku di vê pêvajoyê de hem derfetên mezin li pêşiya gelê kurd in û hem jî xetereyên mezin hene û got: “Dema kurd yekîtiyê ava bikin, dikarin hemû planan pûç bikin. Parastina herî xurt a li dijî şerê taybet yekîtî ye.”
Li gorî raporên RSFê Tirkiye di aliyê azadiya çapemeniyê de ji rêza 159an daket rêza 163an. RSFê di raporê de destnîşan kir ku ji 180 dewletan 110 dewletan zextên li ser çapemeniyê zêde kiriye.
Parêzer Rêzan Gezer anî ziman ku astengiya herî mezin a li pêş Entegrasyona Demkoratîk nakokiyên siyaseta Enqereyê ye û got: “Nebûna hevsengiya di navbera ewlehî û azadiyê de dibe sedema pevçûnên nêrînên cuda. Bi taybetî di warên qanûna dij-terorê de. Li Tirkiyeyê, ji bo civakeke aştîxwaz û demokratîk, ewil pêdivî bi parastin û misogeriya mafên heyî heye. Divê maf bi zagonên zelal û xurt bên parastin.”
Şerê DYA-Îsraîlê yê li dijî Îranê 36 roj in didome. Di rojên dawî de herî zêde başûrê Kurdistanê dibe hedefa êrişên rejîma Îranê. Rojnameger Kemal Rauf diyar kir ku çarenûsa hemû kurdan yek e û got: “Pêwîst e partiyên kurdî berjewendiya giştî û aştiya civakî li pêş berjewendiyên partiya xwe bibînin û hevrêziyê xurt bikin.”
Parlamenterê DEM Partiyê Omer Ocalan anî ziman ku kurd ji ber rojbûna Rêberê Gelê kurd rojbûna xwe dibînin 22 sal in tevî hemû astengiyan berê xwe didin Amara û got: “Em dixwazin êdî Serok Apo bixwe hezkirî û mêvanên xwe li Amarayê pêşwazî bike.”
Şêwirmendê Qabîleya El Cebûr Şêx Ekrem El Mehşuş anî ziman ku di deskpêka salê de dewletan xwestin kurd û ereban li hemberî hev bidin şerkirin, lê kurd û ereb nehatin lîstikê û li dijî şer derketin.
Endamê Meclisa PJAKê Ehwan Çîyako anî ziman ku Komara Îslamê ya Îranê 47 sal in mafê gelan binpê dike û got: “Gelê Îranê pêşengiya Kurdan qebûl dikin. Me di Şoreşa Jin Jiyan Azadî de dît. Li Îranê potensiyela Xeta Sêyemîn gelek zêde ye. Xebatên me dê ji bo Hevpeymaniya gelê Îranî jî bidome.”
Şerê li dijî Îranê ku di 28ê Sibatê de dest pê kir, 17 roj li pey xwe hiştin. Endamê Konseya Rêveber a PJAKê Siyamend Moînî anî ziman ku şerê dewletan şerê berjewendiyê ye û got: “Demokrasî dê bi têkoşîn û yekîtiya gelan bi pêş bikeve.”
Şerê Îsraîl-Amerîkayê ku di 28ê sibatê de li dijî Îranê dest pê kir, hefteyek derbas li pişt xwe hişt. Têkildarî şerê heyî rojnameger Behram Zeraî anî ziman ku Îsraîl û DYA bêhtir êrişî baragehên parastinê dikin û dixwazin rejîma Îranê teslîm bigirin û got: “Di serî de hêza parastinê lawaz dikin. Îran heta niha her diçe hêza parastinê ji dest dide.”
Rojnameger Hêlîn Asmîn li ser encama Peymana 29ê Çile rawestiya û got: “Hêzên girêdayî Şamê bi êrîşan xwestnin şerê di navbera kurd û ereban de pêş xistin. Lê HSDê bi peymanê rê li pêşiya komkujiya gelan girt. Dîsa dê têkoşîna gelê kurd siberoja Rojava diyar bike.”
Di ser erdheja 6ê sibata 2023yan re ku weke felaketa mezin dihat binavkirin 3 sal borîn. Li gel hikûmeta AKPê û serokkomar Tayîp Erdogan soz dabûn da ku ji mexdûrên erdhejê re xaniyan ava bikin jî, hîn zêdetirî 200 hezar mirov di çadir û konteyniran de dijîn. Hîn ji bo mexdûrên erdhejê xanî nehatine avakirin û di şertên herî xerab de dijîn.
Rojnameger û nivîskar Medenî Ferho, têkildarî peymana di navbera Rêveberiya Xweser û Hikûmeta Şamê de hatiye îmzekirin axivî û destnîşan kir ku HSDê bi vekişîna hêza xwe, rê li pêşiya şerê gelan girt û Rojhilata Navîn ji kaosek mezin xelas kir. Medenî Ferho da zanîn ku bi vekişîna HSDê, prensîbên Machiavelli li Kurdistanê têk çûn.
Rêveberê PJAKê Camêr Marabî, li ser serhildanên gel ên li dijî rejîma Îranê diyar kir ku zêdetirî 2 hefte ne înternet hatiye qutkirin û zêdetirî 20 hezar mirov hatine kuştin. Camêr Marabî, da zanîn ku rejîm çiqas hov nêzî gel dibe, li dijî vê yekê gel tifaqa xwe û çalakiyên xwe bêhtir radîkal dike.
Hevserokê KON MEDê Kerem Gok, der barê çalakiyên kurdan ên li çar parçeyên Kurdistanê û Ewropayê ku li dijî êrîşên li ser Rojava pêş ketin anî ziman ku kurdan bi van çalakiyên xwe hemû plan û polîtîkayên li dijî kurdan pûç kir got: “Hêzên desthilat dîtin ku kurd êdî ne kurdên 100 sal berê ne. Kurdan bi hevgirtî û yekîtiya xwe hest û helwesta xwe nîşanî hemû cîhanê dan. Nîşan dan ku êdîşa li dijî Rojava li dijî vîn û hebûna hemû kurdan e.”
Rojnameger Bunyad Cizîrî, bal kişand ser armanca êrîşên HTŞ û DAIŞê ku Tirkiye piştgiriyê dide wan û got: “Hikûmeta demkî û Tirkiye hewl dide eşîrên ereban li dijî kurdan sor bike. Bi dorpêça Kobanê jî Dewleta Tirk dixwaze tola DAIŞê hilîne.”
Hevseroka PYDê Perwîn Yûsif bal kişand ser armanca êrîşên HTŞê yên li dijî Bakur û Rojhilatê Sûriyeyê û got: “Armanca êrîşên HTŞê pergala demokratîk e. Dixwaze ku pergala demokratîk a gelan nekeve meriyetê. Lê em bi yekîtî û hevgirtina xwe bawer in û em ê bi ser bikevin.
Hevserokê MAF-DADê Mahmut Şakar, anî ziman ku tecrîda li ser Rêberê Gelê Kurd Abdullah Ocalan û girtiyên li Îmraliyê didome û got: “Ji bo birêz Ocalan bikaribe pêvajoyê bi pêş bixe, divê di şertên azad de bijî. Hemû bar li ser milê birêz Ocalan hatiye hiştin, divê saziyên civakî û demokratîk vî barî hilgirin ser milê xwe.”