Xizmên Windayan û rêveberên ÎHDa Amedê di hefteya 887emîn a çalakiya xwe de xwestin ku kujerên Mehmet Tekdag werin dîtin û darizandin. Di daxuyaniyê de hat gotin ku Tekdagê birîndar ji ber îxmala rayedarên dewletê jiyana xwe ji dest daye.
Parlamentera Parlamentoya Ewropayê Assita Kanko diyar kir ku kurd tenê hatine hiştin û wiha hişyarî da: “Man û nemana kurdan îmtîhana biryardariya me ye. Têkçûna kurdan tê wateya mayîna DAIŞê.”
Dayikên Şemiyê di hefteya 1089emîn de li aqûbeta Mehmet Şîrîn Maltu pirsîn. Di daxuyaniyê de hat diyar kirin ku divê dewlet demildest li gorî peymanan lêpirsînekê bêalî pêk bîne.
117 welatiyên 10 sal berê di dema qedexeya derketina kolanan di jêrzemînên Cizîrê de hatibûn kuştin, hatin bibîranîn. Di bîranînê de soza domandina têkoşîna wan hat dayin.
Partiyên Holandayê yên k udi hilbijartinê de bi ser ketin ji bo avakirina hikûmeta nû li hev kirin.
Li herêma Derayê şûnwarên arkeolojîk tên xerabkirin. Ji ber kolanên bêserûber û lêgerînên nerewa mîrateya çandî ya vê herêmê di xetereyê de ye.
Ji serê sala 2026an heta niha polîsan dest bi binçavkirinê kiriye, dadgehan jî dest bi girtinê kirye. Tenê di 6 rojên sibatê de 82 kes hatin girtin. Di 36 rojên dawî de jî 200 kes hatin girtin.
Kurdistaniyan li bajarên Hannover û Heilbronn yên Almanyayê ji bo piştgiriya Rojava mîtîng li dar xistin.
Dadgehê Diyar Koç ku bi îşkenceyê hat binçavkirin, ji Nexweşxaneya Kampusa Sîncanê derxistin û şandin girtîgeha Sîncanê.
Platorma Şaxan a KESKê ya Wanê têkildarî erdheja 6ê sibatê daxuyanî da. Nûnerên KESKê desknîşan kirin ku kesên bersûv tên berdan û efûkirin û sûc dixin stûyê çend mutehitan.
Çeteyên HTŞê li gundê Mecdel ê Siwêdayê ciwanek kuştin û 3 kes jî birîndar kirin.
Leşkerên tirk 9 roj in li ser sînorê Murşîtpinarê yê Kobanê xendekan dikolin.
Konseya Bajar a Wêranşarê derbarê dorpêça li ser Kobanê de civîn li dar xist û got, "Em li hember qirkirina li Rojava bêdeng nîn in û em ê bêdeng nemînin. Divê deriyê sînor ê Murşitpınar tavilê were vekirin."
Însiyatîfa Yekitiya Demokratîk têkildarî dorpêça li ser Kobanê daxuyanî da û diyar kir ku vekirina Deriyê Murşîdpinarê ne tene ji bo alîkariya mirovî dê watedar be, di heman demê de ji bo dawîkirina helwesta neyînî ya li dijî Kobanê jî şansekî girîng e.
Birayê siyasetmedarê kurd Hatîp Dîcle, Îbrahîm Halîl Dîcle li Swîsreyê di 61 saliyê de jiyana xwe ji dest da
Hêzên Sûriyeya Demokratîk (HSD) ragihand ku fermandariya wan pêşwaziya şendeyeke Wezareta Parastinê ya Hikûmeta Sûriyeyê kir.
Endamê MYKê yê KKP û parlamenterê DEM Partiyê Sînan Çîftyurek di meşa ji bo Rojava de axivî û diyar kir ku Kurdan bi berxwedana xwe ruhê Qazî Mihemed şad kirine û got: “Yên ku dixwestin statuya Rojava ji holê rakin, winda kirin.”
Li Erzincanê erdhejek bi pişeya 5.0 çêbû
Xwendekarên bajarê Şîrazê yê Îranê ji bo bîranîna hevalên xwe yên ji hêla rejîmê ve hatine qetilkirin û ji bo prostestokirina zextên ser kedkarên tenduristiyê, çalakiya rûniştinê da destpêkirin.
TTB, SES, Odeya Tabîban a Semsûrê raporên xwe ya 3 salan ên der barê erdhejê ya Semsûrê eşkere kirin û gotin ku tevî 3 sal in di ser erdhejê derbas bû, pirsgirêka tenduristiyê berdewam dike. Egitim Senê jî di rapora perwerdehiyê de eşkere kir û got ku xwendekar nikarin xwe bigihînin perwerdehiyê.
Piştî hevdîtinên di navbera Rêveberiya Xweser û Hikûmeta Demkî yên der barê entegrasyona asayîşê de niha jî lijneyên leşkerî yên her du aliyan dê ji bo entegrasyona artêşê bicivin.
MÎA-FEDê ji bo balê bikişîne dorpêça li ser Kobanê li Qada Cumhuriyetê ya navçeya Pirsûsê nimêja Înê kir.
Şaxa ÎHDa Îzmîrê, têkildarî salvegera sêyemîn a erdhejên 6ê sibatê li avahiya xwe civîna çapemeniyê li dar xist û got: “Ser erdhejê 3 sal derbas bûn lê medûrî hêj didomin.
Li gundewarê rojavayê bajarê Siwêdayê di navbera Parêzvanên Niştimanî yên Durziyan û komên Hikumeta Demkî de pevçûn rû da.