Konseya Ewlekariyê ya Neteweyên Yekbûyî li ser rewşa Sûriyeyê civîna xwe ya mehane pêk anî. Di civînê de fikarên der barê pêvajoya derbasbûnê ya qels, pêdiviyên mirovî û rîskên ji ber destwerdanên derve de hatin ziman.
Ligel biryara dirêjkirina agirbestê ya ji aliyê Serokê DYAyê Donald Trump ve jî rageşiya li Tengava Hurmuzê nesekinî û hêzên Îranê dest danîn ser du keştiyan. Ji aliyê din ve, nîqaşên agirbestê yên di navbera Îsraîl û Libnanê de jî li Washingtonê dewam dikin.
Hevserokatiya Konseya Rêveber a KCKê, ji bo welatparêzê Kurd Îsmaîl Agaç peyama sersaxiyê weşand. Îsmaîl Agaç wekî yek ji kevirên bingehîn ên têkoşînê pênase kir.
Di pêvajoyeke ku vegera koçberên Serêkaniyê di rojevê de ye, Meclisên Gel ên Til Temir û Zirganê ji bo lêkolînkirina rewşa gundan û vegera ewle ya welatiyan du lijne ava kirin. Ev lijne dê astengiyên li pêşiya vegerê yên wekî wêranî û xetereya mayînan a li gundên hatine dagirkirin, tespît bikin.
11emîn Festîvala Şanoyê ya Navneteweyî ya Amedê ku bi dirûşma “Diyalog ji bo aştiyê” bi beşdariya komên şanoyê yên ji 17 welatan hatine tê lidarxistin, bi coş dest pê kir.
Li gorî medyaya Îranê, Hêzên Pasdaran (Sipahê Pasdaran) di Tengava Hurmuzê de êrişî sê keştiyên barhilgir kirin.
Hevserokê DBPê yê Giştî Keskîn Bayindîr ku li navçeya Xana Axparê ya Amedê bi ciwanan re civiya wiha got: “Temenê me çi dibe bila bibe divê em hemû di vê pêvajoyê de berpisyariyê bigirin û xwe birêxistin bikin.”
Li Navçeya Elbakê ya Wanê, sê welatiyan bi boneya polîsên sivîl hişyar kirine, hatin binçavkirin û bi awayek hovane hatin îşkencekirin. Poz û diranên ciwanek binçavkirî bi îşkenceyê hatin şikandin.
Li Herêma Federa ya Kurdistanê bi boneya Roja Rojnamegeriya Kurdî, rêxistinên rojnamegeriyê daxuyaniyek dan û daxwaza berdana rojnamegerên girtî kirin.
Xebatkarê Saziya Enerjiya Atomê ya Îranê Mehdî Ferîd bi îdîaya ‘bi Îsraîlê re xebitî ye’ û ‘sîxurî kiriye’ hat darvekirin.
Şandeyek ji partiyên siyasî ku bi riya parêzeran bi Selahattîn Demîrtaş û Selçûk Mizrakli re hevdîtin pêk anî, li ber Girtîgeha Edîrneyê daxuyanî da çapemeniyê û xwest ku îktîdar demildest gav bavêje û girtiyên siyasî serbest berde.
Hengawê ragihand ku kampa PAKê ya li Hewlêrê hatiye bombebarankirin û di êrişê de 3 pêşmerge birîndar bûn.
Midûrê ÎŞKURê yê Dêrsimê yê berê Ozdemîr Aktaş ku navê wî di lêpirsîna Gulistan Doku de derbas dibe, ji peywirê hat girtin.
Komîteya Ragihandinê ya Kongreya Neteweyî ya Kurdistanê (KNK), bi boneya 22yê Nîsanê Roja Rojnamegeriya Kurdî daxuyaniyek weşand û bal kişand ser girîngiya medyayê ku ji bo rastiyê têdikoşin.
Ji çalakvanên berxwedana Hîlwan-Sêwregê Îsmaîl Agaç ê 3 kurên wî di têkoşîna azadiyê de jiyana xwe ji dest dane, li nexweşxaneya ku lê dihat dermankirin koça dawî kir. Cenazeyê Îsmaîl Agaç dê îro li Ceyhanê were veşartin.
ÎHDê ragihand ku girtî Tahsîn Sagaltici, Gurkan Turkoglu û Huseyîn Ozen ku li Girtîgeha Ewlehiya Bilind a Antalyayê bi daxwaza sewqkirina girtîgeheke ku li gorî şert û mercên navneteweyî ye dest bi greva birçîbûnê kiribûn daxwazên wan ên sewqê qebûl bûne û girtiyan dawî li çalakiya xwe anîne.
Xwişka girtî Huseyîn Ozen Altun Ozen diyar kir ku rewşa girtiyên di greva birçîbûnê de giran e û divê daxwazên wan bê qebûlkirin û bangî raya giştî kir: “Em nehêlin ev kes bimirin.”
Koordînasyona Giştî ya YRDê Roja Rojnamegerên Kurd pîroz kir û got: "Em soza xwe dubare dikin ku armancên wan pêk bînin ku di oxira aşkerekirina rastiyê de canê xwe feda kirin."
Şaredarê Ataşehîrê Onûrsal Adiguzel ê CHPyî jî di nav de 19 kes hatin girtin.
OHDê ji bo hikûmet û meclisê têke nava tevgerê û zagonên demokratîkbûnê bêne sazkirin, Taga “#YasalAdimŞimdi (#NihaGavaZagonî) da destpêkirin. Siyasetmedar, rojnameger, hiqûqnas û parêzeran piştgirî da kampanyayê.
Di çarçoveya lêpirsîna Gulistan Doku de Waliyê demê yê Dêrsimê Tuncay Sonel hat girtin.
OHDê ji bo hikûmet û meclisê têke nava tevgerê û zagonên demokratîkbûnê bêne sazkirin, Taga “#YasalAdimŞimdi (#NihaGavaZagonî) da destpêkirin.
IHRNGOyê diyar kir ku di 53 rojên şerê Îsraîl-Amerîka yê li dijî Îranê de, li Îranê 3 hezar û 646 kes hatin girtin.
