Verfeka DEM Partîye Ayşegul Dogane va ke ganî Ravêrdeyê Aştîye û Komelê Demokratîkî lez aver şîro û da zanayene ke Abdullah Ocalanî seba teqîbkerdişê ravêrdeyî pêşnîyazê ronayîşê dezgeyêkî kerdo
Abdullah Ocalanî Zindanê Îmraliyî ra seba 24. Kombîyayîşê Pêroyîyî yê KNK’î mesajêk erşawit. Rayberê Şarê Kurdî Abdullah Ocalanî bale ant girîngîya yewîya neteweyîye ser û vat: "Armancê ma şer nîyo cuyeya hempare ya, parçekerdiş nîyo yewîya demokratîk a."
Amed de zaf sîyasetmedarê cinîyî Konferansê Cinîyan ê Îdareyanê Herêmîyan ê Demokratîkan de ameyî têhet. Hemsereka Pêroyî ya DBP’yî Çigdem Kılıçgun Uçare vat: “Ma do bi rayîrê îdareyanê herêmîyan komareya demokratîke, ameyoxêko azad awan bikerê.”
Rahmî Koço ke cinîyanê kurdan rê vateyê zayendperestî xebitnayî, îdîa kerd ke qet nîyetê ci çin o ke yew nasnameyî hedef bigêro û uzir waşt
Komîteya Ekolojî ya KCK’yî vat: "Her waro ke daristanê ma tede yeno birrnayene, her warê ke hêga û awa ma tede yenê xespkerdene, her cayê ke awbend, santralê enerjî û madenî tede yenê awankerdene, ganî bibê warê têkoşînî ke heqê cuye bêro pawitene."
Goreyê yew rapora newîye, Kupaya Dinya ya 2026ine ke bi mazûbanîya DYA, Kanada û Meksîka do bêra viraştene, eşkena bibo sebebê tewr tay 9 mîlyon ton emîsyonê karbonî. Rapor hişyarî dano ke no organîzasyon eşkeno bibo aktîvîteyanê tarîxê sporî ra yew a tewr gemarinî û xozayî rê zerarêko pîl bido.
MYK’yê DEM Partîye, seba nîqaşkerdişê zaf babetan û ê sererastkerdişanê qanûnan ke yeno idîakerdene do çarçewaya Ravêrdeyê Aştîye û Komelê Demokratîkî de bêrê vetene, ame têhet.
Yilmaz Çerçel badê tepiştişê 33 serran Hepisxaneyê Tîpê Hyî yê Eskîşehîrî ra ame veradayene.
Endama Konseya Serekîye ya Pêroyî ya KCK’yî Sozdar Avesta vat, “Eke seba çareserîya meseleya Rayberîye muxatap genê, o wext wa goreyê ci nizdî bibê. Bi taktîkanê dergkerdişê prosesî ne proses aver şino ne zî meseleya 100 serran çareser bena.”
Serekê DYA Donald Trumpî eşkera kerd ke beno ke dayîşûgirewtişê Îranî reyde heta peynîya nê hewteyî biencam bibê. Kongreya DYA zî vera şerî qerarêko nederbasdar vet.
Îsraîl û Lubnanî bi mabênkarîya DYA Washîngton de pêvînayîş kerd. Badê pêvînayîşî, caardişê adirbestî ser o pêkerd. Îsraîlî adirbest bi şertê bêçekkerdişê Hîzbullahî qebul kerd.
Pawitox Rihane Gok ke endama Komîsyonê Çamdarîya Hepisxaneyan ê Baroyê Amedî ya, vat ke hepisxaneyan de binpaykerdişê heqê weşîye, tatbîqê sansurî û astengkerdişê veradayîşan bi destê ÎGKyî dewam kenê û bale ante ke cuya tepişteyanê nêweşan xetere de ya.
Sazgehê demokratîkî û Platformê Ked û Demokrasîyî yê Amedî, vera cezayanê dardakerdişî yê dewleta Îranî amadekarîya çalakîyêka nîşandayena nêrazîbîyayîşî kenê. Sazgehan vengdayîş de aşkera kerd ke ganî kes vera nê barî bêtêkoşîn nêmano.
Endama Konseya Rayraberdişî ya KJKyî Çîgdeme Dogu vat bi esasgirewtişê nêzdîbîyayîşanê Rayber Apoyî cehd kenê raverdeyî Haştî û Komelê Demokratîkî aver berê û vat: "Şer nika vinderto la ma hêzêkê polîtîk ê ke têkoşîn kenê. Têkoşînê ma dewam keno."
Vateyê nefretî û vengdayîşê nêheqîyêk vera komelanê elewî û durzîyan ê Sûrîye de nê demanê peyênan de zêde bîyê. Bi kampanyayanê ke warê platformanê medyayê dîjîtalî de ameyê destpêkerdene, amanc o yo ke her di komelan warê ekonomî û komelî de yewbînan ra biaqitnê.
Muxabira Ajansê Mezopotamya Sema Bîngol û 7 kesê bînî ke vizêr ameybî destbendkerdene dimayê kontrolê nêweşxaneyî ameyî veradayene. Karûbarê îfadeyî yê 16 kesanê bînan edlîye de dewam keno.
TAJÊ bi munasebetê serrgêra qetilkerdişê 19 cinîyanê Êzîdîyan ya 10. eşkerayî daye û vat: “Heta berpirsîyarên fermanî ra hesab bêro persayene, ma do têkoşînê xo bidomnê.”
Hûmara nê aşmî ya rojnameyê Komînalî ke Ewropa de weşanîyeno, bi manşetê “Komelo rêxistinkerde nêbo nêbeno!” vejîya. Rojnameyî hûmara xo ya çarine de nuşteyê Mustafa Karasuyî yo bi nê sernameyî kerd manşet.
Serekê Asayîşê Neteweyî yê Parlamentoyê Îranî Îbrahîm Azîzîyî da zanayene ke Qirika Hurmuzî de seba hembaranê stratejîkan ê zey Çîn û Rûsya do şertê taybetî bêrê pêşkêşkerdene. Azîzîyî reyna dîyar kerd ke babeta uranyumê zengînkerdeyî, pêvînayîşanê dîplomatîkan ê bi Pakîstan û Amerîka de nîna rojdem.
Rejîmê Îranî zext û zulmê xo yê vera cinîyan dewam keno. Dadgeha Simnanî di cinîyanê çalakîkeran rê, bi îdîaya têkilîya medyaya muxalîfî, pêro-pîya 53 serrî cezaya zindanî û xeylêk qedexeyî birnayî
Rejîmê Îranî Serdeşt de esnafêko kurd bi nameyê Qazî Kawanî qetil kerd û sînorê Mehabadî de 3 kurdî destbend kerdî.
Hemserekanê Pêroyî yê Partîya Têduştî û Demokrasî ya Şaran (DEM Partî) Tulay Hatîmogullari û Tuncer Bakirhanî bi munasebetê Roşanê Qurbanî peyamêke nuştekî pare kerd.
Îzmîr de çarçewaya cipersayîşî de vera Şaredarîya Guzelbahçeyî ya CHPyî operasyon ame viraştene û Serekê Şaredarîye zî tede zaf kesî ameyî destbendkerdene.