Îranî hêrîşê kurdan kerd, esnafêko kurd qetil kerd, 3 ciwanî destbend kerdî
Rejîmê Îranî Serdeşt de esnafêko kurd bi nameyê Qazî Kawanî qetil kerd û sînorê Mehabadî de 3 kurdî destbend kerdî.
Goreyê xebera Kolbernewsî, rojanê vîyarteyan de pê eşkera-panayîşê hêzanê dewleta Îranî esnafêko kurd Qazî Kawanî yo ke girêdayeyê dewa "Doletû" ya bajarê Serdeştî yo, sereyê xo ra bi giranî birîndar bîybî, cuya xo ra bî.
Ame îfadekerdene ke çend şewan ra ver Qazî Kawanî sînorê "Casûsanî" yê Serdeştî de bê tu hişyarîyê verênî hetê hêzanê dewleta Îranî ra ame gulebarankerdene.
Qazî Kawanî ke ame berdene Nêweşxaneyê Xumeynî yê Mehabad, cuya xo ra bî.
Eynî wext de vizêrî ame îfadekerdene ke hêzanê Wezaretê Îstîxbaratî yê Îranî (Îtîlaat) keyeyê 3 ciwanan ke girêdayeyê dewa Befrewanî ya mintiqaya Şamatî ya bajarê Mehabadî yê, bi nameyanê Mensûr Ebasî, Ehmed Xeyrî û Wahîd Xeyrî de sereştişê keyeyî kerd.
Ame îfadekerdene ke her 3 ciwanî zî ameyî destbendkerdene û heta nika aqubetê înan nêyeno zanayene.
