Îran de di cinîyanê çalakîkeran rê 53 serrî cezaya zindanî
Rejîmê Îranî zext û zulmê xo yê vera cinîyan dewam keno. Dadgeha Simnanî di cinîyanê çalakîkeran rê, bi îdîaya têkilîya medyaya muxalîfî, pêro-pîya 53 serrî cezaya zindanî û xeylêk qedexeyî birnayî
Rejîmê Îranî yewna qerarêko giran vera cinîyanê çalakîkeran da. Goreyê eşkerayîya ke Dadgeha bajarê Simnanî dayî, zextê dewlete yê vera cinîyan bêbese nêbenê û di cinîyê çalakîkerî bi cezayanê giranan ameyî cezakerdene.
Ame zanayene ke çalakîkerî Fatme Melek Ehmedî û Leyla Remezanî bi tometê "medyaya muxalîfî reyde têkilî viraştene" û "fotografê bombevaranî vilakerdene" ameyî sûcdarkerdene. Nê îdîayan ser o dadgehe, Fatme Melek Ehmedî rê 26 serrî, Leyla Remezanî rê zî 27 serrî cezaya zindanî birne.
Teberê cezaya zindanî de zî xeylêk heqî destê nê cinîyan ra ameyî girewtene. Goreyê bira dadgehe; cinîyê çalakîkerî nêeşkenê xizmetguzarîyanê dewlete ra îstîfade bikerê. Reyna, qedexeyê teberê welatî vejîyayîşî dîya înan û endamîya înan a partîyan, komê sîyasîyî û cimatî zî bi temamî ameye qedexekerdene.
