Rejîma Îranê Nasir Bekirzade û girtiyekî din bi dar ve kir
Rejîma Îranê girtiyê kurd Nasir Bekirzade û girtiyekî din ê siyasî bi dar ve kirin.
Malpera nûçeyan a Mîzan ku girêdayî desthilata Îranê ye, der barê darvekirina 2 girtiyên siyasî de agahî parve kirin. Li gorî malperê danê siharê Yequb Kerîmpûr û Nasir Bekirzade ji aliyê rejîma Îranê ve hatine darvekirin.
Nasir Bekirzade (26) ji Urmiyeya rojhilatê Kurdistanê ye, ji aliyê Dadgeha Bilind a Îranê ve cezayê darvekirinê lê hatibû birîn. Bekirzade berî çend rojan di nameyeke deng de tevî redkirina tohmetan, daxwaza piştgiriyê ji raya giştî û rêxistinên mafên mirovan kiribû û der barê metirsiya bicihanîna bilez a ceza de hişyarî dabû.
Yaqub Kerîmpûr jî Yarsan e û xwedî pêdiviyên taybet bû. Kerîmpûr di 16ê hezîrana 2025an de ji aliyê hêzên Wezareta Îtlaatê ya Îranê ve li Miyandabê hatibû destgîrkirin. Cezayê darvekirinê jî ji aliyê Dadgeha Bilind a Îranê ve hatibû erêkirin.
Ji destpêka şerê di navbera DYA-Îsraîl û Îranê de rejîma Îranê bi giştî 25 girtî bi dar ve kirine.
