Îranê li Iraqê komên veşartî ava kirine
Ajansa Reutersê ragihand ku tevî lihevkirina bi Amerîkayê re, Îranê çend komên çekdar li Iraqê ji bo êrîşkirina ser welatên Kendavê ava kirine.
Li gorî Ajansa Reutersê Supaya Pasdarên a Îranê çend şaneyên veşartî û nû di xaka Iraqê de ava kirine û bi cih kirine.
Çavkaniyê ragihand ku armanca van hêzan pêkanîna êrîşên leşkerî ya li ser welatên Kendavê yên ku baregeh û hêzên Amerîkayê lê hene.
Ev geşedana ewlehiyê ya metirsîdar, dibe ku hevsengiya hêzê û ewlehiya herêmê têk bide.
Li gorî agahiyan ev gav beşeke ji planeke berfirehtir a Tehranê ji bo êrîşkirina berjewendiyên Amerîkayê yên li Rojhilata Navîn e. Heman çavkaniyê ragihand ku ev kom ji 3 heya 4 şaneyên veşartî pêk tên.
Tê gotin ev komên veşartî hatine avakirin, di dema borî de sînorên parêzgehên Besra û Semawayê bi kar anîne da ku êrîşên bi balafirên bêfirovan bibin ser welatên Kuweyt, Erebistana Siûdî û Îmaratê.
