Şaredarê Eşmeyê hat girtin

Şaredarê Eşme ya Uşakê Yilmaz Tozan, hevjîna wî Burcu Tozan, ajokarê Tozan M.F., xebatkarê Midûriyeta Zabiteyan Î.U., xebatkarê şaredariyê H.D., endamê Şaredariya Eşmeyê H.D., endamê Meclisa Eşmeyê yê CHPî R.S.S. û midûrê nivîsgeha taybet ê Tozan S.B. ku di çarçoveya lêpirsîna Serdozgeriya Komarê ya Uşakê de hatibûn binçavkirin, sewqî edliyeyê hatin kirin. 

Ji binçavkiriyan R.S.S. û xebatkarê şaredariyê H.D. piştî îfadeya li dozgeriyê hatin berdan. 

Yilmaz Tozan bi sûcê “Ji bo kirina sûc rêxistin ava kiriye, rêxistin birêve biriye”, ajokarê wî M.F. û peywirdarê zabiteyan Î.U. bi sûcê “endamtî û alîkarîdayîna rêxistina ji bo kirina sûc hatiye avakirin”, Burcu Tozan û midûrê nivîsgeha taybet S.B. jî bi daxwaza şertê kontrola edlî sewqî edliyeyê hatin kirin. 

Şaredar Tozan û Î.U. û M.F. hatin girtin. Burcu Tozan û S.B. jî bi şertê kontrola edlî hatin berdan.