Rêxistina Tenduristiyê ya Cîhanê rewşa awarte ragihand

Rêxistina Tenduristiyê ya Cîhanê (WHO) têkildarî şewba Ebolayê ya li Afrîkayê derketiye, hişyariyeke lezgîn a gerdûnî weşand. WHO’yê li ser hesabê xwe yê fermî daxuyaniyek da û ragihand ku şewba Ebolayê ya li Komara Demokratîk a Kongoyê û Ûgandayê, êdî wek ‘Rewşa Awarte ya Tenduristiya Gel a Navneteweyî’ hatiye îlankirin. Rêxistinê hişyarî da ku dibe ku şewb ji ya tê zanîn gelekî mezintir be.

Rêxistinê, bang li hemû saziyên tenduristiyê û civata navneteweyî kir ku li hemberî vîrusê hişyar bin û destnîşan kir ku metirsiya belavbûna nexweşiyê li herêmên din di asteke bilind de ye. Di daxuyaniyê de xetereya rasteqîn a şewbê hate destnîşankirin û ev agahî hate dayîn: “Îhtîmaleke pir mezin heye ku şewba Ebolayê ya heyî, ji wê asta ku heta niha hatiye tespîtkirin gelekî mezintir û berfirehtir be.”

Bi îlankirina vê rewşa awarte re, tê payîn ku tedbîrên gerdûnî yên li dijî belavbûna vîrusê bên xurtkirin.