Polîtîkaya şerê taybetî domîyena
Ziwan bingeyê heme çîyo. La ma ewnênê ke hema zî muhîmeya ziwanî de qedro û qîmet çinî yo. Ma vanê ziwanê ma xêza maya sûr a. La ma çiqas nê xêza sûre ciwîyayîşê xo de anê ca? Heyana qîymetê ziwanî nêbo se, bingeyê ziwanî nêronîyeno. Ganî sazîyê dezgeyê û partî muhîmeya qîymetdayîşê bingeyê komuna ziwanî bironî yo û şarî seba ziwanê xo bido heskerdiş û banderê perwerdayîşî bikero
Rojeve ke 27ê Sibate de destpê kerd û nê rojeve hema zî doroverê cayê xo de dibare keno. No warî de tîfaqê AKP û MHP hema zî yew misqalekêke yew game aver nêvista. Seba ke PKK çarebîyîşê rojevî ra heme şertî mercê xo erdî ca. La hikumatê AKP hema zî nê şert û mercan qebul nêkena. No warî de Tevgerê Azadîya Kurd seke, mecbûrê tirkan mendî ke heme waştişê AKP qebul bikerê û çekanê xo veradê û bêrê teslîm bibê. La ana ser yew dinya çinî ya. No warê pêameyişê çareserbîyîşî de rojeve qedîya ya zî dewam keno? Raşte de çîyêke nêaseno.
Ne qedîyayo û ne zî dewam keno. Yew serre ke nê pêvajo dewam keno. La raşte de çîyêke naseno. Seba ke rayapêroyine de yeno vatene ke rojevê çarebîyîşî qedîya ha qedîya û dime ra zî Dewlet Bahçelî vejîyeno yew di qalan keno ke wertaxe biney nerm keno. La ancî zî pratîk de çîyêke naseno. No tewr zî polîtîkaya şerê taybetî yo. Hewayê her wextî şero taybet bi tewr û tewr polîtîkaya xo bi qirêjî şixulnena. Şero taybet keno ke, no tewr şarê kurd eciz bikero û bêbawerî biko. Tabî no warî de şarê kurd, nê polîtîkayanê şerê taybet ra xerîb nîyo û bawerîya polîkaya şerê taybet zî nêkeno. Şerê taybet eynî wextî de zî kurdî ke xo hesaban ra welatperwer û Kurdîstanî hesibnenê şerê taybet ra malzeme benê. Seke dewleta tirkan, dewleta Kurdîstanî PKK rê bexiş kerdo û PKK zî dewleta Kurdîstanî nêwazena û rota. Nê tewr polîtîkaya ehmeqî nîya, raşte raştî ra dişmenîya PKK kenê. No tewr kenê ke şarê kurd Rayverê xo ra dûrî fînê û serd bikerê. Bi serano ke nê polîtîkaya xona qirêje dewam kenê. La çi heyfo ke şarê kurd polîtîko nê rewşa qirêjî ra nêxapîyenê. Nê tewr dinîya de nimune çinî yo ke, şar kurd seba Rayverê xo, xo ganî- ganî veşno. Tevgerê Azadîya Kurd eynî wextî de Tevgerê Rayverî yo û seba nê rewşa qirêjî ra xo eciz nêkeno. Her wext zî bawerîya Rayverîya xora qet guman nêkeno. Şero taybet daîmî xo dibareyê rewşa xapênayîşî de wext qezenc keno.Heyana ewro Rojawan bahane kerdê û enka zî rewşa Îranî paweno û rewşa Îranî sebeno? Bi sereyê zanî ra muhatabî nêbena. Ganî bi raşte raştî ra muhatabî bêro qebulkerdiş û statuyê Rayver Apoyî bêro qebulkerdiş. Na zî nê tewr alevere dalavere reyde xapênayîş nêbeno. No sebeb ra zî şar zî bawerîya Hikumatê AKP û MHP nêkeno. Bi tena bawerîya Rayverê xo keno û bawerîya xo keno.
No sebeb ra zî ganî sazîyê dezgeyê kurd xo rêxistin bikerê û şarî rêxistin bikerê. Rêxistinî dermanê heme çîyanê. La ma ewnîyenê ke sazîyê dezgeyê ma her roj kombîyayîşan û konferansan kenê. Ganî nê warî de bingeyê rêxistinî saz bibo û bironî yo.Bi tena sloganî nêbeno. Ganî huner bibo û pratîk bibo.
Vatişê sloganê komunalîzîm zaf weş o. La ganî nê vatişê ronayîşê komunalîzm cayê xo veyno û bingehê xo birano. Komunalîzm bi tena rewşa wertaxî ra ronayîşê bostanan nîyo. Ganî raya verên ra komunalîya bingê ziwanî bironî yo. Ziwan bingeyê heme çîyo. La ma ewnênê ke hema zî muhîmeya ziwanî de qedro û qîmet çinî yo. Ma vanê ziwanê ma xêza maya sûr a.
La ma çiqas nê xêza sûre ciwîyayîşê xo de anê ca? Heyana qîymetê ziwanî nêbo se, bingeyê ziwanî nêronîyeno. Ganî sazîyê dezgeyê û partî muhîmîya qîymetdayîşê bingeyê komuna ziwanî bironî yo û şarî seba ziwanê xo bido heskerdiş û banderê perwerdayîşî bikero.
