Mesajê Abdullah Ocalanî veng da: Do bandor heme merdimatîye ser o bikero
Rojnameger Jasper Mortimerî derheqê mesajê neweyî yê Abdullah Ocalanî de vat ke do no mesaj bandor pêro merdimatîye ser o bikero. Avûkat Devrat zî va ke: "Ez xo zaf bişans hîs kena. Nê prosesî de ganî heme pêrabesteyî tewrê prosesî bibê. No proses seba Tirkîya û herême zaf girîng o. Ma her ca de aştîye wazenê."
Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî yo ke 27ê Sibata 2025 de amebi kerdene, yew serre xo dima veradaya. DEM Partî Enqere de, Sahneya Yilmaz Guneyî de aktîvîteyêk viraşt. Tîya de fotograf û mesajê neweyî yê Ocalanî ameyî parekerdene. Ocalanî mesajê xo de pêro kesanê ke raştê neheqîye ameyê pawit û dîyar kerd ke seba çareserîye îhtîyacîya qanûnanê aştî û azadîye esta.
Goreyê xebera Ajansa Welatî, nêzdîyê 150 dezgehanê çapemenîye aktîvîte teqîb kerd. Rojnamegerê France 24î Jasper Mortimer û avûkatê hîndîstanijî Devratî qisey kerd.
Mortimerî dîyar kerd ke mesajo ke ameyo dayene zaf girîng o, la ê wazenê tayê persan zî bipersê: “Hema nêdîyaro ke kurdî do çi bi dest bivisnê. Gelo kurdî do bi ziwanê xo perwerde bivînê? Endamê PKK’yî do dima tewrê komelî bibê? Abdullah Ocalan do azad bibo? Bi aştî û demokrasîye giredayeyîya Ocalanî do bandorêka pozîtîfe pêro cîhanî ser o bikera.”
Avûkat Devratî zî dîyar kerd ke o seba karî ameyo Stenbol la seba ke mesajê birêz Ocalanî meraq kerdêne, tewrê aktîvîteya Enqere bîyo. Devratî vat: "Ez xo zaf bişans hîs kena. Nê prosesî de ganî heme pêrabesteyî tewrê prosesî bibê. No proses seba Tirkîya û herême zaf girîng o. Ma her ca de aştîye wazenê."
