Li Îran 220 jin hatine kuştin û ji 3 hezaran zêdetir jî jin û zarok birîndar bûne
Wezareta Tenduristiyê ya Îranê têkildarî bîlançoya qurbaniyên jin û zarokên di êrîşên Îsraîl û Emerîkayê de jiyana xwe ji dest dane, daxuyaniyek belav kir.
•
1 deqe xwendin
Di daxuyaniyê de hate ragihandin ku ji destpêka êrîşên hevbeş ên Îsraîl û Emerîkayê li ser Rojhilatê Kurdistan û Îranê ve, 220 jin jiyana xwe ji dest dane û 2 hezar û 500 jin birîndar bûne.
Wezaretê da zanîn ku di êrîşan de 211 zarokên dibin temenê 18 salî de jiyana xwe ji dest dane û hezar û 141 zarok jî birîndar bûne.
Hêjayî gotinêye ku li gorî rapora Rêxistina Mafê Mirovan a HRANA ragihand ku di nava 24 saetên borî de di êrîşên hevbeş ên Îsraîl û Emerîkayê li ser Rojhilatê Kurdistan û Îranê de 10 welatiyên sivîl jiyana xwe ji dest dan û 91 welatî jî birîndar bûn.
