Îsraîlî hêrişê Îranî kerd: Tehran de peyapey teqayîşî

Wezîrê Pawitişî yê Îsraîlî Yisrael Katzî da zanayene ke Îsraîlî vera Îranî hêrişêko vernîgêr dayo destpêkerdene. Şahîdê ke ajansê xeberan Reutersî rê qisey kerdî, va ke Quds de vengê sîrenan ameyê eşnawitene

Goreyê ajansê xeberan ê resmîyî yê Îranî IRNA’yî zî paytext Tehran de vengê teqayîşan ameyê eşnawitene. Medyaya Îranî da zanayene ke sebebê teqayîşan hema nêzanîyeno. Artêşa Îsraîlî zî eşkera kerd ke sîrenî seba ke şarî vera îhtîmalê hêrişê hewayî amade bikerê, sey hişyarîye ameyê xebitnayene.