Îranî bi fuzeyan verpers da
Badê hêrişanê Îsraîl û Amerîka, Îranî bi fuzeyan verpers da. Fuzeyê ke Îranî eştê, ver bi Îsraîlî şinê. Ame zanayene ke operasyonê vera Îranî “hempar” o.
Wezaretîya Pawitişî ya Îsraîlî eşkera kerd ke înan vera Îranî “hêrişêko pawitişî” dayo destpêkerdene. Goreyê zanayîşanê verênan, Tehran de vengê teqayîşanê şîddetînan ameyî eşnawitene. Serekê Amerîka Donald Trumpî derheqê babete de eşkerayîyêke daye û da zanayene ke înan bi hemkarîya Îsraîlî vera Îranî operasyonêko hîra dayo destpêkerdene.
Fuzeyî ver bi hedefanê Îsraîlî şinê
Badê destpêkerdişê hêrişan, Serekê Komîsyonê Asayîşê Neteweyî yê Meclîsê Îranî Îbrahîm Ezîzî eşkera kerd ke ê do bi tûndî verpersê nê hêrişî bidê. Na eşkerayîye ra wextêko kilm dima, Îranî bi xeylêk fuzeyan hêrişê Îsraîlî kerd. Ame zanayene ke pergalanê pawitişê hewayî yê Îsraîlî fuzeyê Îranî hema hewa de teqnayê û nêverdayo ke fuzeyê Tehranî biresê merkezanê Îsraîlî.
