DYAyê li Okyanûsa Hindê tankereke din a Îranê desteser kir
Hêzên Deryayî yên DYAyê li Okyanûsa Hindê dest danîn ser tankereke din a petrolê ya ku girêdayî Îranê ye. Rayedaran destnîşan kir ku ev keştiya ku hatiye desteserkirin, berê jî ji ber binpêkirina ambargoyan di lîsteya toleyan de bû.
Rageşiya di navbera Dewletên Yekbûyî yên Amerîkayê (DYA) û Îranê de li qadên deryayî berfirehtir dibe. Piştî bûyerên li Tengava Hurmuzê, Hêzên Deryayî yên DYAyê ragihandin ku wan li Okyanûsa Hindê dest danîne ser keştiyeke din a ku petrola Îranê vediguhêze.
Wekî gavek dorpêçê hate desteserkirin
Li gorî daxuyaniyên rayedarên ewlehiyê yên DYAyê, ev keştî berê jî di nava lîsteya toleyan de cih girtiye û ji ber hewldanên binpêkirina qedexeyan hatiye rawestandin. Hat diyarkirin ku ev pêngav di çarçoveya dorpêça deryayî û zextên aborî yên li dijî Îranê de hatiye avêtin.
