Dayikên Aştiyê ji bo dayika têkoşer Sakîne Arat mewlûd dan

Dayikên Aştiyê ji bo bîranina Dayika têkoşer ku hemû temenê xwe ji bo aştiyê derbas kir, Sakîne Arat a ku 12ê Adar a 2025an jiyana xwe ji dest da li Parka Rojava ya navçeya Peyas a Amedê mewlûd dan. Mewlûd li Konê Fitarê ya Şaredariya Peyasê dan. Dayîkên Aştiyê, parlamenter, hevserok û rêveberên partiyên siyasî , hevşaredarên Peyasê û gelek kes tev li mewlûdê bûn. Di mewlûdê de wêneyên Sakîne Arat danîn û find pêxistin. Bi destpêka fitarê mewlûd hate xwendin û piştre endama Meclîsa Dayikên Aştiyê ya Amedê Makbûle Ozbek axivî.

‘Rêya şehîdan ronahî be’

Dayika Aştiyê Makbûle Ozbek di serî de Dayika Aştiyê Sakîne Arat û Salîh Muslîm bi bîr anî û wiha got: “Em li ser navê Dayikên Aştiyê, ji malbata xwe re sersaxiyê dikin. Em wek Dayîkên Aştiyê ji bo hevalê Salih Muslîm û dayika Sakîne hatine cem hev. Oxira wan bi xêr be înşelah, rêya wan ronahî be, cihê wan bihûşt be.”