Vengdayîşo hempar yê dezgehanê huqûq û weşîye: Wa tecrîd bêro wedartene

Dezgehanê weşîye û huqûqî (TTB, SES, TÎHV, ÇHD, ÎHD û OHD) derheqê binpêkerdişê heqan û tecrîdê hepisxaneyan de yew eşkerayîya hempare daye. Goreyê eşkerayîye, hepisxaneyan de binpêkerdişê heqan bîyê sîstematîk û ganî cade tecrîd bêro wedartene.

Vengdayîşê dezgehan de merdişê tepişte Rojhat Babatî yê şikdarî rê dîqet ame antene û ame vatene ke waştişê keyeyî (otopsîye) nêameyo caardene. Heto bîn ra ame îfadekerdene ke raporê Sazgehê Tiba Edlîyî (ATK) yê ke zanistî ra dûrî yê, benê sebebê merdişê tepişteyanê nêweşan. Nimûneyo tewr peyên zî merdişê Mehmet Edîp Taşaro 70 serre yo ke nêameyo veradayene (tehlîyekerdene) û wefat kerdo.

Vengdayîşê ame îzehkerdene hepisxaneyanê yew kesîyan ê "Tipê Quye" de binpêkerdişî zêde yê, vera nê tecrîdê giranî de grevê vêşanîye yê Tahsîn Sagaltici, Gurkan Turkoglu û Huseyîn Ozenî dewam keno û rewşa weşîya înan zaf xirab a.