Seba astengdaranê vînayîşî Kitabxaneyo Bêasteng abî

Şaredarîya Şaristanê Girdî ya Amedî, bi amancê temînkerdişê resayîşê hemwelatijanê Amedî yê astengdaranê vînayîşî rê bi teknolojîyanê modernan ameyo xemilnayene, Kitabxaneyo Bêasteng da destpêkerdene. Merkezî ke binê Kitabxaneyê Gelerî yê Amîda yê qezaya Yenîşehîrî de abîyo, kitabê venginî, materyalê bi çapê Braille û teknolojîyê bêastengî pîya yenê pêşkêşkerdene. Proje reyde hemwelatijê Amedî yê astengdarê vînayîşî; metnanê nuştekîyan biveng eşkenê goşdarî bikerê, xebatênê wendişê-nuştişê Braille eşkenê bikerê û pê komputeranê qiseykeran eşkenê perwerdeyê xo dewam bikerê.

Seba kesanê ke vînayîşê înan kêmî yo, teknolojîyê piştîdayoxî sey girdkerdişê ekranî û serûberkerdişê kontrastî zî kitabxane de ca gênê. No merkez ke seypêyîya firsendî ya perwerdeyî xurt keno, eynî wextî de bi tedeyîyanê xo yê zafziwanan xizmetêko pêroyî amanc keno. Hemwelatijê Amedî, hewte de mabênê saetanê 08.00-17.00î de merkezî ra eşkenê îstîfade bikerê.