Pargîn Klîba ‘Firtona Ji Agirin’ weşand
Pargîn klîba strana ‘Firtona Ji Agirin’ ku derhêneriya wê Îbrahîm Feqe kiriye weşand. Klîba stranê balê dikişîne ser xwe û stran bi şêweyê rockê hatiye amadekirin. Stran qala lehengî û berxwedana şervanên kurd dike û taybetmendiyên aliyên Kurdistanê vedibêje.
Navenda Pargîn bi derhêneriya Îbrahim Feqe klîbek nû weşand. Navê stranê-klîbê ‘Firtona Ji Agirin’ û bi gotinên stranê balê dikişîne ser lehengiya berxwedêr û şervanên Kurdistanê û taybetmendiyên parçeyên Kurdistanê. Stran bi terzek rockê hatiye amadekirin û belavkirin.
Gotinên stranê Îbrahîm Feqe û Binefş Feqe nivîsandine û senaryoya klîbê jî wan çêkiriye.
Muzîka stranê ji aliyê Elî Feqe ve hatiye amadekirin bi qasî 20 kesî di klîbê de dilîzin.
Pargîn jî xwe wisa pênase dike; Lêkolîn û parastina kevneşopiya rojavayê Kurdistanê ye. Navenda Pargîn li herêma Koçeran e.
Gotinên stranê bi vî rengî ye:
“Hat hat roj hat reş ferikî
Erşê serdesta herifî
Çerx û felek ve zivirî
Çarçira dîsa sincirî
Kapê sêdara wê dirizî
Şadin îro şona girî
Cewhera kelha dimdimin
Bane û Mako Seqezin
Em lepzêrînê mezinin
Em Ormîye û Sine in
Qazîyo namê ferzetin
Bahoza lezin bagerin
Rojavane felaketin
Mehşere û qîyametin
Yek revêzin xwîna yekin
Ji wera desteg û piştin
Rojê şera rima xiştin
Ji wera desteg û piştin
Em Şingala girê hişkin
Ribatin li bêden û piştin
Îzîdxanin sira kewnin
Fîtê mêra zirav pirçin
Rojên teng beranê qertin
Holhola Tawsî Melekin
Bila kelax bibin kerxe
Hol hola Tawsî Meleke
Em Hewlêra serî berzin
Em Kerkûk û Şêlediz in
Silemaniya zirav hêsin
Şarezoro û Rewandiz in
Agirê Baba Gurgurin
Pelesotin em Xakûrk in
Em Bakur in sert û xortin
Çangawerin em bêcirin
Kîna Zindana Amed in
Zimêna Zapa mezinin
Cenga Egîdê ewilin
Em hewaro em heylawin
Xwîn di rada ditewirin
Risas li ser sînga dihelin
Em firtona ji agirin
Hokê mêra bê himberin
Em firtona ji agirin
Hokê mêra bê himberin
Em firtona ji agirin
Hokê mêra bê himberin”
