NY: Beno ke Rojhelato Miyanên kontrol ra bivejiyo
Sekreterê Pêroyî yê Neteweyanê Yewbîyayeyan, hêrişê "bêqanûnî" yê Rojhelatê Miyanênî şermezar kerdî û hişyarîye daye ke tayê welatanê herême de şero ke zêde beno, eşkeno kontrol ra bivejiyo
Sekreterê Pêroyî yê Neteweyanê Yewbîyayeyan (NY) Antonio Guterresî hêrişê “bêqanûnî” yê Rojhelatê Miyanênî şermezar kerdî, hişyarîye daye ke alozîya herêmîye ya ke xeylêk welatan de qewimîyena, eşkena kontrol ra bivejîya.
Guterresî da zanayene ke heme hêrişê bêqanûnîyî yê Rojhelatê Miyanênî û teberê ci, seranserê herême de seba sîvîlan benê sebebê dej û zirarê pîlî û aborîya dinya ser o zî gefêko cîdî anê meydan.
Guterresî ard ziwan ke rewşe eşkena kapasîteya kontrolkerdişî ya her hetî ra bivejîya û hîna xirab biba û destnîşan kerd ke wext ameyo ke şerî bivinderê û ver bi pêvînayîşanê dîplomatîkan ê cîdîyan şirê.
