Nameyê hemrayîya yewine û têkoşînê azadîye: Hakî Karer

Hakî gedeyêko asî yê Behrê Sîyayî, 1950î de qezaya Ulubey ya Ordu de çimê xo akerdî. Çiqas ke gedeyê bî zî, keyeyê xo reyde merganê findiqan de xebitîyayêne.

Heta mektebê mîyênênî Ulubey de wend. Lîse de Ordu Lîse de Kemal Pîrî nas kerd. Na nasîye do unîversîte de biresa cayêko cîya.

Karer 1971-1972 de Beşê Fîzîkî yê Fakulteya Fenî ya Unîversîteya Anakra de qeyd bî. Kemal Pîrî reyde Bahçelîevler de keyeyêk girewt. Badê darbeyê 1971î têkilîya ey ya çep û sosyalîzmî zêde bîye.

Rojêk berê keyeyê di ciwananê Behrê Sîyayî hetê mêmanêkê bêdawetî ra ame kutene. Mêman, Rayber Apo bî ke teşrîna verêne 1972 Hepisxaneyê Mamakê Ankara ra vejîyabî. Rayîrê Kemal Pîrî, Hakî Karerî û Rayber Apoyî a roje uca de yew bî. No naskerdişo tarîxî bî gama yewine ya zayîşêko newe ke do sey "Zayîşê Rayberî" bêro îfadekerdene.

Keyeyo ke Rayber Apo, Kemal û Hakî pîya tede mendêne, game bi game bî qerargehê awankerdişê grûba Apoyîyan. Rayber Apoyî derheqê têkilîya Hakî û Kemalî de vat: "Ê di gedeyê Behrê Sîyayê yê ke nêhermîyayî." 

Hakî Karer mîyanê grûba Apoyîyan bi rafîne, sade û tewazuyê xo nas bîyêne. Bi hewayêko plandar, bidîsîplîn û cor ra hereket kerdêne. Wexto ke Rayber Apoyî vat "Kurdistan kolonî ya", a game de Hakî Karerî hetê ey de ca girewt.

Rayber Apoyî vat: "Wexto ke mi seba nameyê partî di çekuyê yewinî vatî, mi wina zehmetî ant ke ke tay mendbî bikewa. Hakî, gedeyêkê Behrê Sîyayî, wexto ke o halê mi dî, qerar da û heta şehadetî sey hemrayê tewr fedakar û xebatkar hereket kerd."

31ê kanûna 1975-1976î de mîyanê kombîyayîşê yewinî yê Têgêrayîşê Apoyîyan de Hakî Karerî vat: "Ez wazena beşdarê xebatanê Kurdistanî biba." Ame Êlih, dima seba ke kurdkî nêzanayêne, verê şî Adana û dima şî Dîlok. Tîya seba ciwananê şorişger, karker û awankerdişê keyeyanê komûnan têkoşînê xurtî kerdî.

Rêxistina ajane ya sey Stêrka Sor ke Alaattîn Kapanî pêşengîya ci kerdêne, Kurdistan Devrîmcîlerî taqîb kerdêne. Wexto ke Kurdistan Devrîmcîlerî grûbe hişyar kerdêne, Bozan Arslan û Mehmet Uzunî ke mîyanê grûbê de bîyî ajan, Kapanî reyde randevû girewt. Hakî ke şî çayxaneyê Duztepeyî, rîyê hêrişê çekdarî yê Kapanî û di kesanê ey ra şehîd bî.

Wexto ke Rayber Apoyî xebera şehadetî eşnawit vat: "Xebera şehadetê Hakî Karerî Dîlokî ra ame. Ez eşkena vaja ke ez pê na xebere rijîyaya. Eşkera bî ke ma derbêko pêt werdo."

Hîrê rojî badê şehadetî, cenazeya ey nêweşxaneyî ra ameye girewtene û konvoy reyde welatê ey Ordu-Ulubeyî rê ameye berdene. Bi beşdarbîyayîşê grûba Apoyîyan, grûbanê şorişger û şar, bi merasîmêk ke şarê Ulubeyî ra nêşino, ame nimitene.