Mabênê Amerîka û Îranî de temaso krîtîk: JD Vance Pakîstan de yo

Hetkarê Serekê Amerîkayî JD Vance seba ke heyetê Amerîka rê serkeşîye bikero û Îran reyde bêrê têhet şî Pakîstan. Vanceyî Îran îqaz kerd û îfade kerd ke ê wazenê muzakerayanê pozîtîfan bikerê. Serekwezîrê Pakîstanî Şahbaz Şerîfî zî dîyar kerd ke seba adirbestêko domdare zehmet o ke merdim ser o qisey bikero la na merhela de dîyar beno ke yan beno yan zî nêbeno.

Serekê Amerîkayî Trumpî zî dîyar kerd ke nê muzakerayan de heto zeîf Îran o, Îran wazeno ke Lubnan de pêkewtişî biqedîyê la hêrişê Îsraîlî yê vera Hizbullahî dewam kenê.