Kursanê kurdkî yê Şaredarîya Surî rê eleqeyo gird
Kursê ziwanî yê ke girêdayeyê Şaredarîya Sûrî yê, bi ferasetê xizmetê zafziwanî dewam kenê û bi taybetî doman û ciwanî nê kursan rê eleqeyêko gird mojnenê
Xebatê perwerdeyê ziwanî yê ke seba cuye û xizmetanê zafziwanan yenê kerdene, bi tewrbîyayîşêko gird dewam kenê. Kursê ziwanî yê ke Akademîya Domanan, Merkezê Hunerî yê Ciwanan û Akademîya Perwerdeyî yê girêdayeyê Mudirîya Kulturî ya Şaredarîya Sûrî de dîyenê, çarçewaya ferasetê xizmetê zafziwanî de bi tewrbîyayîşêko zêde dewam kenê. Kursanê ziwanê kurdkî rê bi taybetî doman û ciwanî eleqeyêko pîl mojnenê, kursîyerî zî hewte de di rojî bi hawayêko nîzamî tewrê dersan benê.
Çarçewaya ferasetê xizmetê zafziwanî yê şaredarîye de, yeno plankerdiş ke perwerdeyê ziwanî yê zereyê dezgeyî yê seba xebatkarî zî wextêko kilm de dest pêbikerê. Yeno hedefkerdiş ke kursê ziwanî pê qeydanê neweyan ê ke do serra mîyan de demanê cîya-cîyayan de abibê, bêmîyan dewam bikerê.
