Heyva Sor a Kurd lambayî ke bi enerjîyê roje reyde xebitîyenê vila kerdê
Heyva Sor a Kurd bi piştgirîya rêxistina Medîco Înternatîonal xeylê dewanê Kobanî de lambayê LED ê ke bi enerjîyê roje xebitîyenê, welatîyan rê vila kerdê.
Xebatê merdimî û hetkarîye yê Heyva Sor a Kurd herêma Kobanî de dewam kenê. Na çarçewa de yewîneyê Heyva Sor a Kurd bi hemkarîya rêxistina Medîco Înternatîonal projeyêko newe seba dewanê Kobanî kerd.
Amanc başêrkerdişê cuye yo
Çarçewaya xebatan de yewîneyan çend dewî Kobanî zîyaret kerdê û lambayê LED ê ke enerjîyê roje xebitîyenê, welatîyan rê vila kerdê. Ame dîyarkerdene ke no proje bi amancê başêrkerdişê şert û mercanê cuye yê welatîyan û afernayîşê çimeyêko ewle û domdare ya roşnîye ameya kerdene.
‘Ma do her şert de xizmet bikerê’
Xebatkaranê Heyva Sor a Kurd bale ant dewamîya xebatanê sazgehî ser o û dîyar kerd ke do her şert û mercan de xizmetê seba şarî bidomnê.
