Cenazaya Şaîr Ehmed Huseynî resa Rojawan
Cenazaya şaîr Ehmed Huseynîyo ke Stockholm de cuya xo vindîkerdbî, Berê Sînorî yê El Welîdî ra derbasê Rojawan bî û do dewa xo ya Amûdê de bêro definkerdene
Şaîr Ehmed Huseynîyo ke 10ê Adare de paytextê Swêdî Stockholm de semedê nêweşîyêka girane cuya xo vîndîkerdbî, cenazaya ci 27ê Adare de Amed de bi merasîmêk amebî oxirkerdene. Cenaza ewro Berê Sînorî yê El Welîdî yê mabênê Başûr û Rojawanê Kurdîstanî ra derbasê Rojawan bî.
Berê sînorî de hetê girseyêka girde ya nuştox, roşnvîr, şaîr, sîyasetmedar û şarî ra ameye pêşwazîkerdene. Badê pêşwazîkerdişî, cenaza ver bi Qamişlo ameye rayîrkerdene. Merkezê Pîyabîyene yê Roşnvîranê Rojawanê Kurdîstanî (HRRK) de yew merasîm do bêro viraştene. Dima zî cenaza do ver bi şaristanê Amûdê bêro oxirkerdene. Dekewtişê Amûdê de bi merasîmêkê girseyîyî, do cayêko ke maya xo ra bîyo de bêro definkerdene.
