600 keyeyê efrînîjî Kobanê ra agêrayê keyeyanê xo yê Efrînî
Hemwalatîyê efrînîjî ke 600 keyeyan ra yenê pê û new serrî yo Kobanê de ciwîyenê, ewro serê sibayî agêrayê keyeyanê xo.
Bado ke kome kewte rayîr Îdarekarê Herêma Kobanê Îbrahîm Mislim û Hemsereka Heyetê Îdareyî yê Îdareyê Xoserî yê Kobanê Mîzgîne Xelîl eşkerayîye daye.
Hukmatê demkî yê Sûrîye ra heyetêk, Hetkarê Fermandarê Hêzanê Azadîye Zereyî yê Hesekê Siyamend Efrîn, Hemsereka Daîreyê Têkîlayanê Teberî yê Îdareyê Xoserî Îlhame Ehmed û îdareyê Kobanê heyetêk zî tewrê ci bîyî.
Eşkerayîye de ame vatene çarçeweya pêkerdişê 29ê çeleyî de yeno plankerdene ke verê Roşanê Qûrbanî heme hemwelatîyî agêrê keyeyanê xo.
Qiseykerdişê bi nameyê îdareyê Kobanê de seba xebata agêrayîşî her kesî rê spas ame kerden û ame vatene ke sloganê Sûrîyeya newî; heskerdiş, haştîye û wayûbiratîye ya.
